Құрметті Бауыржан Берікұлы!

Сіздің сауалыңызды өз құзыретіміз шегінде мұқият қарап, келесіні хабарлаймыз.

Қазіргі таңда елімізде «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы іске асырылуда. Аталған бағдарлама аясында қысқа мерзімдік оқу курстарына баруға, кәсіби мамандықты игеруге немесе кәсіпкерлікпен айналысу мүмкіндіктері және еңбек ұтқырлығын арттыру мақсатында мемлекеттік қолдау шараларын пайдалана отырып, солтүстік облыстарға ерікті түрде қоныс аударуға және тұрақты жұмысқа орналасуға мүмкіндік бар.

Бұдан басқа, 2018 жылғы қаңтардан бастап республикада Электрондық еңбек биржасы жұмыс жасайды. Барлық бос жұмыс орындары туралы деректерді қамтитын www.enbek.kz мемлекеттік интернет-ресурсынан лайықты жұмыс қарап, резюме орналастырып немесе жұмыспен қамтудың жекеше агенттіктерінің қызметін пайдалануға болатынын хабарлаймыз.

Баяндалғандарды ескере отырып, жұмыспен қамтудың мемлекеттік қолдау шараларын алу қажеттілігі, сондай-ақ осы мәселелермен байланысты басқа да сұрақтар туындаған жағдайда, тұрғылықты мекенжайыңыздағы халықты жұмыспен қамту орталығына жүгінуді ұсынамыз.

Құрметті Нұржан Қошқарбайұлы!
Сіздің сауалыңызды өз құзыретіміз шегінде мұқият қарап, келесіні хабарлаймыз.
2016 жылғы 6 сэуірдегі «Халықты жұмыспен қамту туралы» ҚР Заңына (бұдан әрі - Зац) сәйкес жұмыссыз ретінде тіркелмес бұрын тұрғылықты мекенжайы бойынша халықты жұмыспен қамту орталығында тікелей не «электрондық үкіметтің» веб-порталы арқылы жұмыс іздеп жүрген адам ретінде тіркелу қажет.
Бұдан әрі, халықты жұмыспен қамту орталығы жұмыс іздеп жүрген адамды тіркеген күннен бастап он жұмыс күні ішінде лайықты жұмыс таңдау арқылы жұмысқа орналасуға жәрдемдеседі, сондай-ақ әлеуметтік кәсіптік бағдарлау және кәсіптік оқыту бойынша қызметтер көрсетеді.
Бұл ретте, жұмыс іздеп жүрген адам халықты жұмыспен қамту орталығынан (кент, ауыл, ауылдық округ әкімінен) лайықты жұмыстың бар екендігі туралы ұсыныстарды алғаннан кейін үш жұмыс күні ішінде халықты жұмыспен қамту орталығына, ал ауылдық елді мекендерде тұратындар - кент, ауыл, ауылдық округ әкіміне барып немесе ақпараттық-коммуникациялық технологиялар және (немесе) ұялы байланыс желісінің абоненттік құрылғысы арқылы хабардар ете отырып, жұмыс іздеуге, сондай-ақ кәсіптік оқытуға қатысуға мүдделілік білдіруге тиіс.
Заңның көрсетілген ережелері сақталғаннан кейін Халықты жұмыспен қамту мәселелері жөніндегі жергілікті орган халықты жұмыспен қамту орталығынан тиісті ақпаратты алған күннен бастап екі жұмыс күні ішінде өтініш жасаған күннен бастап он жұмыс күні ішінде лайықты жұмыс таңдалмаған, жұмыс іздеп жүрген адамды жұмыссыз ретінде тіркеу туралы шешім қабылдайды (Заңның 14-бабы).
Мемлекеттік қызметтердің тізілімі бойынша «Жұмыс іздеп жүрген адамды жұмыссыз ретінде тіркеу» мемлекеттік қызметін көрсету нысаны қағаз түрінде. Яғни, аталған қызмет «электрондық үкіметтің» веб-порталы не онлайн түрде көрсетілмейді.
Осыган орай, «Жұмыс іздеп жүрген адамды жұмыссыз ретінде тіркеу» мемлекеттік қызметі «Ұлттық ақпараттық технологиялар» АҚ техникалық асырылулардан кейін қолжетімді болады.
Бүгінгі күні Министрлікпен «Ұлттық ақпараттық технологиялар» АҚ-пен бірлесіп жоғарыдағы қызметтерді көрсету бойынша ақпараттық жүйелері интеграциялау бойынша жұмыстар жүргізілуде.|
Баяндалғандарды ескере отырып, жұмыс іздеп жүрген адамды жұмыссыз ретінде тіркелу үшін Сізге тұрғылықты мекенжайыңыз бойынша халықты жұмыспен қамту орталығына жүгіну қажет.

Қайырлы күн!
Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының шеңберінде жұмыс іздеп жүрген адамдарды және жұмыссыздарды еңбек нарығында сұранысқа ие мамандықтарға 1 айдан 6 айға дейін тегін қысқа мерзімді кәсіптік оқыту жүзеге асырылады.
Бұл ретте, қысқа мерзімді кәсіптік оқытудан өтетін Бағдарламаға қатысушыларға 16 759 теңге мөлшерінде стипендия төленеді, ал басқа жақтан келіп оқитындарға стипендиямен қатар, жол жүруге және тұруға материалдық көмек көрсетіледі.
Қысқа мерзімді кәсіптік оқыту Халықты жұмыспен қамту орталықтарының жолдамалары бойынша өтеді.
Астана қаласының Халықты жұмыспен қамту орталығының мәліметі бойынша Астана қаласында қысқа мерзімді кәсіптік оқыту «тігінші» біліктілігі бойынша да өтеді. Оқу оқуға жиналған адамдардың санына қарай орыс немесе қазақ тілдерінде жүргізіледі (қазақ тілділер көп болса, «қазақ» тілінде, орыс тілділер көп болса, «орыс» тілінде жүргізіледі).
Осыған орай, «тігінші» біліктілігі бойынша оқудан өту үшін Сіз ең алдымен, Астана қаласының Халықты жұмыспен қамту орталығында (мекенжайы: Астана қаласы, Бейбітшілік көшесі, 25-үй, «Өркен» бизнес орталығы) «жұмыс іздеген адам» немесе «жұмыссыз ретінде тіркелуіңіз қажет.

Құрметті Мейрам Қуандықұлы!
Қазақстан Республикасының Еңбек және халықты әлеуметтік қорғау министрлігі Сіздің «жұмыссыз» ретінде тіркелу және әлеуметтік төлемдер алуға қатысты өтінішіңізді қарап, келесіні хабарлайды.
Алматы облысының жұмыспен қамтуды үйлестіру және әлеуметтік бағдарламалар басқармасының ақпаратына сәйкес, «Халықты жұмыспен қамту туралы» Қазақстан Республикасы Заңының 14 бабына сәйкес 2019 жылғы 21 қаңтарда Сіз «жұмыссыз» ретінде тіркеудесіз.
«Халықты жұмыспен қамту туралы» ҚР Заңына (бұдан әрі – Заң) сәйкес жұмысынан айырылған жағдайда төленетін әлеуметтік төлемдер дегеніміз бұл өздеріне әлеуметтік аударымдар жүргізілген міндетті әлеуметтік сақтандыру жүйесінің қатысушысы болып табылатын, жұмыссыз ретінде тіркелген адамдардың пайдасына Мемлекеттік әлеуметтік сақтандыру қоры жүзеге асыратын төлемдер болып табылады.
Алайда, жұмыспен қамту мәселелері жөніндегі жергілікті орган Сізді белгiленген тәртiппен «жұмыссыз» деп танығанмен әлеуметтік сақтандыру жүйесінің қатысушысы болмағандықтан Сізге әлеуметтік төлемдер тағайындаудан бас тартқан.
Жоғарыда баяндалғанның негізінде, Сіз Мемлекеттік әлеуметтік сақтандыру қорынан әлеуметтік төлемдер алушылардың қатарына жатпайсыз.
Бұл ретте, Сіз заңнамаларда көрсетілген тәртіпте «жұмыссыз» ретінде жергілікті жұмыспен қамту органдары арқылы жұмыспен қамтуға жәрдемдесудің белсенді шараларына қатысуға құқығыңыз бар.
Осы жауаппен келіспеген жағдайда заңнамада көзделген тәртіппен жоғары тұрған органға немесе сотқа жүгінуге құқылы екендігіңізді ескертеміз.