A A A
Мазмұнына өту

You are here

«Медициналық-әлеуметтік сараптама жүйесін жаңарту және мүгедек жандарды оңалту » тақырыбында конференция өтті

конференция

Аталмыш шараны Қазақстандағы БҰҰ Даму бағдарламасының қолдауымен  ҚР Еңбек және халықты әлеуметтік қорғау министрлігі ұйымдастырды.

Конференция жұмысына Қазақстанның барлық аймағынан келген 100-ден астам адам қатысты. Олар- орталық мемлекеттік органдардың, қоғамдық бірлестіктердің өкілдері, әлеуметтік бағдарламалар және жұмыспен қамту координация басқармаларының жетекшілері мен мамандары, облыстардың, республикалық маңызы бар қалалардың және елорданың денсаулық сақтау басқармаларының, әлеуметтік қорғау және көші-қонды бақылау комитетінің аймақтық департаменттерінің өкілдері.

Конференцияның қонақтары ретінде- Ресей Федерациясының  Еңбек және халықты әлеуметтік қорғау министрлігінің «Медициналық-әлеуметтік сараптамасы федералдық бюросы»  МӘСФБ ғылыми-әдістемелік орталығының жетекшісі Людмила Науменко және Әзірбайжан Республикасының Еңбек және халықты әлеуметтік қорғау министрлігінің мүгедектерді әлеуметтік қорғау саясатының басшысы міндетін атқарушы Сабир Годжаев қатысты.

Конференцияның басты мақсаты- мемлекеттік құрылымдардың, қоғамдық ұйымдардың және кәсіби қауымдастықтың медициналық-әлеуметтік сараптама және мүгедектерді оңалту  саласын реформалаудағы рөлін күшейту.  Басты міндеттердің бірі  2023 жылға дейін денсаулық сақтау, медициналық-әлеуметтік сараптама және мүгедектерді оңалту саласында мүмкіндігі шектеулі жандардың өмір сапасын жақсартуды қамтамасыз ету бойынша Ұлттық жоспардың жобасына ұсыныс әзірлеу болып отыр. 

Конференция  барысында  медициналық-әлеуметтік сараптама және мүгедектерді оңалту саласында мемлекеттік қызмет түрлерін дамыту, әлеуметтік-еңбек саласын цифрландыру аясында «Әлеуметтік қызмет түрлері порталы» және «Әлеуметтік тіркеу» жобаларын жүзеге асыру, сондай-ақ электронды денсаулық жүйесін енгізу мәселелері талқыланды.

7 желтоқсан, 2018 - 14:39 өзгертілді
ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Статусын тексеру
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші