A A A
Мазмұнына өту

You are here

ҚР Еңбек және халықты әлеуметтік қорғау министрі Бердібек Сапарбаев Астана қаласының әлеуметтік нысандарын аралап шықты.

ҚР Еңбек және халықты әлеуметтік қорғау министрі Бердібек Сапарбаев  Астана қаласының әлеуметтік нысандарын аралап шықты.

ҚР Еңбек және халықты әлеуметтік қорғау министрі Бердібек Сапарбаев Астана қаласының Жұмыспен қамту орталығы мен Халықты жұмыспен қамту және әлеуметтік қорғау басқармасына барып, орталыққа келушілермен әңгімелесті және азаматтарға көрсетілетін қызмет сапасымен танысты.

Астана қаласының Жұмыспен қамту орталығына электронды кезек жүйесі енгізілген, өзін-өзі басқару аумағы жұмыс істейді және электрондық еңбек биржасы жұмысымен интеграцияланған.

2019 жылдың басынан бері Астананың 500-ден астам тұрғыны Жұмыспен қамту орталығы арқылы жұмысқа орналасқан. Жастар тәжірибесіне 200-ге жуық жас маман жіберілді. Қазіргі уақытта жұмыспен қамту орталығында 5 мыңнан астам бос жұмыс орны бар.

Бердібек Сапарбаев Жұмыспен қамту орталығының негізгі міндеті - уақтылы және сапалы әлеуметтік қызмет көрсету үшін жағдай жасау екенін атап өтті. Миинстр Ақтөбе қаласындағы «Халықтық кеңсе» жұмысының оң тәжірибесін мысалға келтірді. Онда халыққа қызмет көрсету орталығы, жұмыспен қамту, көші-қон, құқықтық, цифрлық қызметтер, сондай-ақ «Қазпошта» АҚ және БЖЗҚ филиалдары ұсынатын мемлекеттік қызметтердің 600-ден астам түрі көрсетіледі. Халық кеңсесінің барлық қызметтері «бір терезе» қағидаты бойынша көрсетіледі.

Сонымен бірге Жұмыспен қамту орталығында ҚР Еңбек және халықты әлеуметтік қорғау министрлігінің басшылығымен және жергілікті атқарушы органдардың өкілдерімен кездесу өтті. Онда Мемлекет басшысының «Nur Otan» ХДП XVIII съезінде берген тапсырмалары аясында қабылданған шаралар талқыланды. Атап айтқанда, балалар мен жағдайы төмен отбасыларға қолдау көрсету шараларын күшейту мен кеңейтуге, өңірлердің дербес әлеуметтік карталарын жасау және ақпараттық дерекқорларды біріктіруге ерекше назар аударылды.

Министр нағыз мұқтаж отбасын әлеуметтік қолдау қажеттігін айтты және оларды жұмысқа орналастыру үшін жағдай жасауды тапсырды. «Әр отбасының қажеттіліктерін есепке алу керек және қағазбастылық пен артық бюрократиялық процедураларды жою қажет», - деп атап өтті Б. Сапарбаев.

Астана қаласы Халықты жұмыспен қамту және әлеуметтік қорғау басқармасының басшысы Ермек Оспановтың айтуынша, жыл сайын Астанада 130 мыңға жуық адам әлеуметтік қолдаумен қамтылады, оның ішінде 10 мыңнан астам көпбалалы отбасылар, 3500-ге жуық аз қамтылған азаматтар бар.

Ағымдағы жылы Астанада 2017-2021 жылдарға арналған «Еңбек» нәтижелі жұмыспен қамту және жаппай кәсіпкерлікті дамыту Мемлекеттік бағдарламасын жүзеге асыру барысында 10 мыңға жуық адам жұмыссыздықтан әлеуметтік қорғау шараларымен қамтылмақ. Соның ішінде еңбек нарығында сұранысқа ие мамандыққа оқыту үшін 913 адам қысқа мерзімді курстарға жіберіледі.  Бүгінгі күні Астана қаласының кәсіпкерлер Палатасы мен Еңбек және халықты әлеуметтік қорғау министрлігінің еңбек ресурстарын  дамыту Орталығы  бірлесе отырып, жұмыс берушілердің өтініші негізінде, сондай-ақ елорда еңбек нарығының талаптарын зерттеу және болжау бойынша мамандар тізімі құралады. 

Жалпы 7555 адамға жұмысқа тұруға қолдау көрсету жоспарланып отыр. Бүгінгі күні мәліметтер базасында 667 жұмыс берушіден 6 311 жұмыс орны тұр, 100  адам өз жаңа бизнес-идеясын дамытуға мемлекеттік грант алады.

11 наурыз, 2019 - 10:34 өзгертілді
ҚР тәуелсіздік жылдарындағы жетістіктері
Атаулы әлеуметтік көмек
Көп балалы отбасыларға жәрдемақы тағайындау туралы ақпаратты тексеру
Статусын тексеру
АӘК есептеу бойынша онлайн калькулятор
Балалар еңбегінің ең жаман түрлеріне қарсы күрес
"Қауіпсіз еңбек" ақпараттық науқаны
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші