A A A
Мазмұнына өту

You are here

Жауап берілген сұрақтар

Құрметті Бердибек Машбекович Сапарбаев мырза мені жұмыспен қамтуыңызды сураймын.

Жауап: 

Құрметті Бауыржан Берікұлы!

 

Сіздің сауалыңызды өз құзыретіміз шегінде мұқият қарап, келесіні хабарлаймыз.

Қазіргі таңда елімізде «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы іске асырылуда. Аталған бағдарлама аясында қысқа мерзімдік оқу курстарына баруға, кәсіби мамандықты игеруге немесе кәсіпкерлікпен айналысу мүмкіндіктері және еңбек ұтқырлығын арттыру мақсатында мемлекеттік қолдау шараларын пайдалана отырып, солтүстік облыстарға ерікті түрде қоныс аударуға және тұрақты жұмысқа орналасуға мүмкіндік бар.

Бұдан басқа, 2018 жылғы қаңтардан бастап республикада Электрондық еңбек биржасы жұмыс жасайды. Барлық бос жұмыс орындары туралы деректерді қамтитын www.enbek.kz мемлекеттік интернет-ресурсынан лайықты жұмыс қарап, резюме орналастырып немесе жұмыспен қамтудың жекеше агенттіктерінің қызметін пайдалануға болатынын хабарлаймыз.

Баяндалғандарды ескере отырып, жұмыспен қамтудың мемлекеттік қолдау шараларын алу қажеттілігі, сондай-ақ осы мәселелермен байланысты басқа да сұрақтар туындаған жағдайда, тұрғылықты мекенжайыңыздағы халықты жұмыспен қамту орталығына жүгінуді ұсынамыз.

Сұрақтың нөмірі: 361285
11 маусым, 2019 - 19:30 өзгертілді
Сұрақ тақырыбы: 

мен Астана каласында мектепте жұмыс жасаймын. 1 ставка іс жүргізуші және 0,5 ставка архивариус, енді  отпускке шығайын деп едім. Сұрағым маған оздоровительный төленеді ме және де архивариуска за вредность төленеді ме екен? Мектепте төленбейді дейді? Кітапханашылар шаң-тозаң деп за вредность алады гой, бізде архивте шаң - тозаң көп, денсаулыққа зиян дегендей. Рахмет Осы сұрақты анықтап берсеңіз.

Жауап: 

Лауазымдарды қоса атқару кезінде

ҚР Еңбек кодексінің (бұдан әрі - Кодекс) 139-бабына сәйкес мемлекеттік бюджет есебінен ұсталатын азаматтық қызметшілерге лауазымдық айлықақы мөлшерінде сауықтыруға арналған жәрдемақы төлене отырып, ұзақтығы күнтізбелік отыз күннен кем болмайтын жыл сайынғы ақы төленетін негізгі еңбек демалысы беріледі.

Кодекстің 1-бабына сәйкес азаматтық қызметші – бұл Қазақстан Республикасының заңнамасында белгіленген тәртіппен қазыналық кәсіпорындарда, мемлекеттік мекемелерде ақы төленетін штаттық лауазымды атқаратын және олардың міндеттері мен функцияларын іске асыру, мемлекеттік органдарға техникалық қызмет көрсетуді жүзеге асыру мен олардың жұмыс істеуін қамтамасыз ету мақсатында лауазымдық өкілеттіктерді жүзеге асыратын адам.

Сонымен бірге, мемлекеттік мекемелер мен қазыналық кәсіпорындардың қызметкерлеріне еңбекақы төлеу «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысы (бұдан әрі – Қаулы) негізінде жүргізіледі.

Қаулыға 18-қосымшаға сәйкес мемлекеттік мекемелердің және қазыналық кәсіпорындардың негізгі лауазымы (мамандығы) бойынша жұмыс уақытының шегінде қосымша жұмыс орындайтын қызметкерлеріне лауазымдарды қоса атқарғаны (қызметтер көрсету аймағының кеңейгені) үшін қызметкердің өзінің лауазымдық айлықақысынан     50 %-ға дейін қосымша ақы белгіленген.

Осыған орай, лауазымдарды қоса атқару кезінде жалақыға қосымша ақы белгіленеді, ал тиісті қосымша ақылар мен үстемеақылар, сондай-ақ сауықтыруға арналған жәрдемақы (егер штаттағы қызметкер болса) тек негізгі лауазымы бойынша жүргізіледі.

 

Қоса атқарылатын жұмыс кезінде

Кодекске сәйкес жұмыскердің негізгі жұмысынан бос уақытында еңбек шарты жағдайында тұрақты, ақы төленетін басқа жұмысты орындауы қоса атқарылатын жұмыс болып табылады.

Бұл ретте, қоса атқарылатын жұмыс кезінде бөлек еңбек шарты жасалуы қажет.

Осыған орай, егер Сізбен архивариус лауазымына қоса атқарылатын жұмыс ретінде бөлек еңбек шарты жасалынса, барлық тиісті төлемдер, оның ішінде сауықтыруға арналған жәрдемақы (егер штаттағы қызметкер болсаңыз) негізгі жұмыс орны бойынша, сондай-ақ қоса атқаратын жұмыс бойынша бөлек төленеді.

Сонымен бірге, Қаулыға 7-қосымшаға сәйкес қызметкерлерге шаң-тозаң басқан, зиянды химиялық реакциялардың ошағы болатын кітапханалық және мұрағаттық қорлармен жұмыс істегені үшін базалық лауазымдық айлықақыдан 30 % қосымша ақы қарастырылған.

Бұл ретте аталған қосымша ақы ҚР Денсаулық сақтау және әлеуметтік даму министрінің 2015 жылғы 28 желтоқсандағы № 1053 бұйрығымен бекітілген Өндірістердің, цехтардың, кәсіптер мен лауазымдардың тізіміне, ауыр жұмыстардың, еңбек жағдайлары зиянды және (немесе) қауіпті жұмыстардың тізбесіне сәйкес жүргізіледі.

 

Сұрақтың нөмірі: 361263
13 маусым, 2019 - 11:08 өзгертілді

Сәлеметсіз бе! Қызылорда обылысынан.

Жауап: 

ҚР Еңбек кодексінің (бұдан әрі - Кодекс) 139-бабына сәйкес мемлекеттік бюджет есебінен ұсталатын азаматтық қызметшілерге лауазымдық айлықақы мөлшерінде сауықтыруға арналған жәрдемақы төлене отырып, ұзақтығы күнтізбелік отыз күннен кем болмайтын жыл сайынғы ақы төленетін негізгі еңбек демалысы беріледі.

Кодекстің 1-бабына сәйкес азаматтық қызметші – бұл Қазақстан Республикасының заңнамасында белгіленген тәртіппен қазыналық кәсіпорындарда, мемлекеттік мекемелерде ақы төленетін штаттық лауазымды атқаратын және олардың міндеттері мен функцияларын іске асыру, мемлекеттік органдарға техникалық қызмет көрсетуді жүзеге асыру мен олардың жұмыс істеуін қамтамасыз ету мақсатында лауазымдық өкілеттіктерді жүзеге асыратын адам.

Сонымен бірге, «Жергiлiктi атқарушы органдардың штат санының лимиттерiн бекiтудiң кейбiр мәселелерi туралы» Қазақстан Республикасы Үкіметінің 2004 жылғы 15 желтоқсандағы № 1324 Қаулысымен жергілікті атқарушы органдардың штат санының лимиті бекітілген.

Осыған орай, мемлекеттік органдар өндірістік қажеттілік мақсатында (еңбек шарты бойынша) мемлекеттік орган лимиті шегінде азаматтық қызметшілерді (мемлекеттік қызметшілермен бірге) жұмысқа қабылдай алады.

Егер мемлекеттік орган өз лимиті шегінде азаматтық қызметшіні жұмысқа қабылдай алмаған жағдайда, оған «Мемлекеттік органдарға техникалық қызмет көрсетуді және олардың жұмыс істеуін қамтамасыз ететін жұмыскерлер санының бірыңғай салааралық нормативтерін бекіту туралы» ҚР Денсаулық сақтау және әлеуметтік даму министрінің 2015 жылғы 23 желтоқсандағы № 1002 бұйрығына (бұдан әрі - Бұйрық) сәйкес штаттан тыс қызметкерлерді (еңбек шарты бойынша) жұмысқа қабылдау құқығы берілген.

Осыған байланысты, Бұйрыққа сәйкес жұмысқа қабылданған қызметкерлер азаматтық қызметшілер болып табылмайды, тиісінше Кодекстің 139-бабында айқындалған норма оларға таратылмайды, яғни кезекті еңбек демалысына шыққан кезде сауықтыруға арналған жәрдемақы төленбейді.

 

Сонымен бірге, «Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылғы 30 маусымдағы Заңының 13-бабының 4-тармағына сәйкес экологиялық қасірет аймағында тұратын халыққа еңбек демалысын берумен бірге жыл сайын сауықтыруға арнап қолданылып жүрген төлемдердің үстіне бір айлық тариф нарқы немесе қызметтік айлықақы көлемінде материалдық көмек көрсетіледі.

Осыған орай, аталған материалдық көмекті алуға экологиялық қасірет аймағында тұратын және еңбек қызметін жүзеге асыратын азаматтардың құқығы бар.

 

Сұрақтың нөмірі: 361244
13 маусым, 2019 - 11:06 өзгертілді
Сұрақ тақырыбы: 

 

Жауап: 

Құрметті Назкен Шынғысовна!

 

Қазақстан Республикасының Еңбек Кодексінің 127-1-бабының ережесіне  жүгінсек, экологиялық апат пен радиациялық қатер аймақтарында еңбек қызметін жүзеге асыратын жұмыскерлер үшін кепілдіктер  егерде экологиялық апат пен радиациялық қатер аймақтарында еңбек қызметін жүзеге асырған жағдайда жұмыскерлерге беріледі делінген.

Заңның 13-бабына сәйкес,  экологиялық қасірет аймағында  тұрып жатқан халыққа, тұрып жатқан аймақтарының санатына қарай, коэффициенттер қолданылатын еңбекақы төленеді, қосымша еңбек демалысы беріледі (еңбектің зиянды жағдайында жұмыс істегені үшін берілетін демалыстың үстіне), сонымен бірге жыл сайын сауықтыруға арнап қолданылып жүрген төлемдердiң үстiне бiр айлық тарифтік ставка немесе қызметтiк айлықақы көлемiнде материалдық көмек көрсетiледi.

«Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» Қазақстан Республикасы заңының 13-бабының конституциялылығын тексеру туралы» Қазақстан Республикасы Конституциялық Кеңесінің 2005 жылғы 29 сәуірдегі № 3 Қаулысына сәйкес, экологиялық қасірет салдарынан зардап шеккендер деп заң осы аймақта тұрып жатқан немесе бұрын тұрған азаматтарды таниды (6-8-баптар). Сонымен бірге, заңның 13-бабында көзделген өтемдер мен жеңілдіктер, азаматтар зардап шеккен деген мәртебе бар-жоғына қарамастан, экологиялық қасірет аймағында тұрып жатқан бүкіл халық үшін әлеуметтік қолдау болып табылады. Заң шығарушы бұл жағдайда адамға өзі тұрып жатқан ортаның зиянды әсер етуін ескереді.

Бұл жағдайда екеретін жайт, көші-қон заңнамасының талабына сәйкес ішкі көшіп-қонушылар ҚР Үкіметі айқындайтын тәртіппен ҚР аумағында тұрғылықты жері және уақытша болатын (тұратын) жері бойынша тіркелуге міндетті. Бұл ретте, вахталық әдіспен жұмыс істейтін адамдар уақытша болатын (тұратын) жері бойынша есепке алынуға (тіркелуге) жатпайды делінген (ҚР Үкіметінің 2011 жылғы 1 желтоқсандағы № 1427 қаулысымен бекітілген  Ішкі көшіп-қонушыларды тіркеу қағидаларына жүгінетін болсақ (13-тармақ).

Жоғарыда аталғанның негізінде Заңның 13-бабымен көзделген жеңілдіктер үшін Заңмен белгіленген экологиялық қасірет аймақтарында  тұратын және еңбек атқаратын қызметкерлерге қатысты (аталған аймақта вахталық әдіспен жұмыс атқаратындарға олардың заңды тіркелген мекен-жайына қарамастан) қолданылады.

Коэффициенттер және қосымша ақылы еңбек демалысының ұзақтығы Заңмен бекітілген экологиялық қасірет аумақтарында зардап шегу мәртемесіне қарай емес, онда еңбек қызметін жүзе асыратын жұмыскерге беріледі.

 

Жауап: 

Құрметті Назкен Шынғысовна!

 

Қазақстан Республикасының Еңбек Кодексінің 127-1-бабының ережесіне  жүгінсек, экологиялық апат пен радиациялық қатер аймақтарында еңбек қызметін жүзеге асыратын жұмыскерлер үшін кепілдіктер  егерде экологиялық апат пен радиациялық қатер аймақтарында еңбек қызметін жүзеге асырған жағдайда жұмыскерлерге беріледі делінген.

Заңның 13-бабына сәйкес,  экологиялық қасірет аймағында  тұрып жатқан халыққа, тұрып жатқан аймақтарының санатына қарай, коэффициенттер қолданылатын еңбекақы төленеді, қосымша еңбек демалысы беріледі (еңбектің зиянды жағдайында жұмыс істегені үшін берілетін демалыстың үстіне), сонымен бірге жыл сайын сауықтыруға арнап қолданылып жүрген төлемдердiң үстiне бiр айлық тарифтік ставка немесе қызметтiк айлықақы көлемiнде материалдық көмек көрсетiледi.

«Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» Қазақстан Республикасы заңының 13-бабының конституциялылығын тексеру туралы» Қазақстан Республикасы Конституциялық Кеңесінің 2005 жылғы 29 сәуірдегі № 3 Қаулысына сәйкес, экологиялық қасірет салдарынан зардап шеккендер деп заң осы аймақта тұрып жатқан немесе бұрын тұрған азаматтарды таниды (6-8-баптар). Сонымен бірге, заңның 13-бабында көзделген өтемдер мен жеңілдіктер, азаматтар зардап шеккен деген мәртебе бар-жоғына қарамастан, экологиялық қасірет аймағында тұрып жатқан бүкіл халық үшін әлеуметтік қолдау болып табылады. Заң шығарушы бұл жағдайда адамға өзі тұрып жатқан ортаның зиянды әсер етуін ескереді.

Бұл жағдайда екеретін жайт, көші-қон заңнамасының талабына сәйкес ішкі көшіп-қонушылар ҚР Үкіметі айқындайтын тәртіппен ҚР аумағында тұрғылықты жері және уақытша болатын (тұратын) жері бойынша тіркелуге міндетті. Бұл ретте, вахталық әдіспен жұмыс істейтін адамдар уақытша болатын (тұратын) жері бойынша есепке алынуға (тіркелуге) жатпайды делінген (ҚР Үкіметінің 2011 жылғы 1 желтоқсандағы № 1427 қаулысымен бекітілген  Ішкі көшіп-қонушыларды тіркеу қағидаларына жүгінетін болсақ (13-тармақ).

Жоғарыда аталғанның негізінде Заңның 13-бабымен көзделген жеңілдіктер үшін Заңмен белгіленген экологиялық қасірет аймақтарында  тұратын және еңбек атқаратын қызметкерлерге қатысты (аталған аймақта вахталық әдіспен жұмыс атқаратындарға олардың заңды тіркелген мекен-жайына қарамастан) қолданылады.

Коэффициенттер және қосымша ақылы еңбек демалысының ұзақтығы Заңмен бекітілген экологиялық қасірет аумақтарында зардап шегу мәртемесіне қарай емес, онда еңбек қызметін жүзе асыратын жұмыскерге беріледі.

Сұрақ тақырыбы: 

Менің Сізден сұрайын дегенім, 2018 жылғы алынбай қалған сауықтыру жәрдемақысын (оздоровительный пособия) осы жылы алсам болама және осы 2019 жылдың сауықтыру жәрдемақысын (оздоровительный пособия) жылдың соңында ала алам ба?

Жауап: 

Құрметті Елжан Шамгонович!

 

ҚР Еңбек кодексінің 139-бабының 10-тармағына сәйкес мемлекеттік бюджет есебінен ұсталатын азаматтық қызметшілерге лауазымдық айлықақы мөлшерінде сауықтыруға арналған жәрдемақы төлене отырып, ұзақтығы күнтізбелік отыз күннен кем болмайтын жыл сайынғы ақы төленетін негізгі еңбек демалысы беріледі.

Азаматтық қызметшілерге жыл сайынғы ақы төленетін еңбек демалысын берген кезде сауықтыруға арналған жәрдемақы күнтізбелік жылда бір рет төленеді.

Қарастырып отырған жағдайда, еңбек лауазымның айлықақы мөлшерінде жәрдемақы тек еңбек демалысы берілген кезде төленуге тиісті, бұл дегеніміз 2019 жылы еңбек демалысына шыққан жағдайда тек ағымдағы жылға арналған сауықтыруға арналған жәрдемақыны аласыз.

Сұрақтың нөмірі: 361074
7 маусым, 2019 - 21:31 өзгертілді
Сұрақ тақырыбы: 

Құрметті Бердібек Мәшбекұлы

Сізге хат жазып отырған Түркістан облысы Ордабасы ауданы Бөржар елді мекені тұрғыны соғыс ардагері запастағы офицер Егізбай Марғұлан.

Жауап: 

Құрметті Егізбай Марғұлан!

 

Сіздің  шағымыңызда жазылған мән-жайларға байланысты жүргізілген зерттеу жұмыстарының нәтижесінде мыналар анықталды:   

Жұбайыңыз Касымбекова Зауре Булегеновна 2019 жылдың 19-мамырында Бөржар ауыл округі әкімі аппаратына атаулы әлеуметтік көмек алуға электронды өтінішін берген және ол 19.05.2019 жылы №10449272 болып  тіркелген. Бұдан әрі   Бөржар ауыл округі әкімі аппараты 2019 жылдың 24-мамырында Ордабасы ауданы әкімдігінің «Халықты жұмыспен қамту орталығы» коммуналдық мемлекеттік мекемесіне арнайы реестрмен жолдаған.

Сонымен қатар, азаматша З.Касымбековадан жеке кәсіпкерлік ашу немесе жеке кәсіпкерлікке тіркелу туралы ешқандай құжат сұратылмағанын және жинақталған құжаттарының  жоғалмағаны анықталды. Және жоғалу жөнінде Сізден және жұбайыңыздан құзыретті органдарға  шағым түспегенін  мәлімдейміз.

Нәтижесінде Ордабасы ауданы әкімдігінің халықты жұмыспен қамту орталығынан мәліметіне сәйкес, З.Касымбекованың отбасының  орташа айлық кірісінің мөлшері жанбасына шаққанда төменгі күнкөріс деңгейінен жоғары болуына байланысты атаулы әлеуметтік көмек тағайындалмағанын хабарлаймыз.

Сұрақтың нөмірі: 360997
12 маусым, 2019 - 14:23 өзгертілді
Сұрақ тақырыбы: 

                                                      Қайырлы күн!!!

                                      Жұмыстарыңның жемісті болсын!!!

Жауап: 

А. Махатаевқа

Маңғыстау облысы, Жаңаөзен қаласы,

Самал шағын ауданы, 22 үй, 27 пәтер

 

Қазақстан Республикасы Еңбек және халықты әлеуметтік қорғау министрлігінің (бұдан әрі – Министрлік) Халықты жұмыспен қамту департаменті Сіздің жұмысқа орналастыруға жәрдем көрсету туралы өтінішіңізді өз құзыреті шегінде қарап, келесіні хабарлайды.

2016 жылғы 6 сәуірдегі «Халықты жұмыспен қамту туралы» Қазақстан Республикасының Заңына (бұдан әрі − Заң) сәйкес мемлекет азаматтарға жұмыссыздықтан әлеуметтік қорғауға, жұмыс таңдау мен уәкілетті органдардың делдалдығы арқылы жұмысқа орналастыруға басымдық береді.

Заңға сәйкес, Халықты жұмыспен қамту орталығы (бұдан әрі − Орталық) жұмыспен қамтуға жәрдемдесудің белсенді шараларын көрсетеді, жұмыс іздеп жүрген адамдарға және жұмыссыздарға лайықты жұмыс таңдауда жәрдемдеседі, әлеуметтік кәсіптік бағдарлау бойынша қызметтер көрсетеді.

Жаңаөзен қаласы әкімдігі халықты жұмыспен қамту орталығының мәліметінше, қоғамдық жұмыс орындары ұсынылды, алайда өз еркіңізбен бас тарттыңыз.

Сондай-ақ, Орталыққа «Өзенмұнайгаз» АҚ-на қарасты мекемелерден бос жұмыс орындарына сұраныс түспеді.

Бұл ретте, жұмыс іздеп жүрген адам жұмыс іздеуге, сондай-ақ кәсіптік оқытуға қатысуға мүдделілік білдіруге тиіс (Заңның 13-бабы, 3-тармағы).

Еңбек Кодексінің 23-бабына сәйкес, жұмыс берушінің жұмысқа қабылдау кезінде таңдау еркіндігіне құқығы бар екенін ескере отырып, жұмыс берушіге жұмысқа орналастыру барысында қандайда мәжбүрлеу нысандары, сондай-ақ үшінші тұлғалар тарапынан заңнамамен тыйым салынатынын қосымша хабарлаймыз.

Осылайша, Орталық жұмысқа орналастыруға жәрдем көрсетеді, ал жұмысқа қабылдау туралы шешімді жұмыс беруші қабылдайды.

Сонымен қатар, еңбек қатынастары мәселелері бойынша тұрғылықты мекенжайыңыздағы Маңғыстау облысының мемлекеттік еңбек инспекциясына жүгінуді ұсынамыз.

Баяндалғандарды ескере отырып, жұмыспен қамтудың мемлекеттік қолдау шараларын алу қажеттілігі, сондай-ақ осы мәселелермен байланысты басқа да сұрақтар туындаған жағдайда, тұрғылықты мекенжайыңыздағы Орталыққа жүгінуді ұсынамыз.

Осы жауаппен келіспеген жағдайда «Жеке және заңды тұлғалардың өтiнiштерiн қарау тәртiбi туралы» Қазақстан Республикасы заңының 12-бабында көзделген тәртіппен жоғары тұрған органға немесе сотқа жүгінуге құқылы екеніңізді ескертеміз.

Сұрақтың нөмірі: 360995
17 маусым, 2019 - 19:37 өзгертілді
Сұрақ тақырыбы: 

Салематсызба?! Менің жолдасым Арабияда діни университетте оқиды күндізгі бөлімде. Оқу орнынан оқып жатыр деген анықтамасы бар. Қазіргі таңда ол Қазақстанда емес.Мен балдарыммен Қазақстанда тұрамын. Менің үш балам бар. Атаулы әлеуметтік көмекке жүгіне аламба? Жолдасымның оқу орнынан басқа анықтама керекпе? қалай болады?

Жауап: 

Құрметті Айбол Аманкелдіұлы!

Қазақстан Республикасы Еңбек және халықты әлеуметтік қорғау министрлігі Сіздің әлеуметтік желіге жазған хатыңызды қарап, келесіні хабарлайды.
«Мемлекеттік атаулы әлеуметтік көмек туралы» Қазақстан Республикасының Заңына сәйкес атаулы әлеуметтік көмек жан басына шаққандағы орташа табысы АӘК көрсету критерийінен аспайтын адамдарға тағайындалады.
АӘК отбасының жан басына шаққандағы орташа табысы күнкөріс деңгейінің 70%-нан төмен болғанда тағайындалады және атаулы әлеуметтік көмек алатын отбасылардың әрбір баласына 20 789 теңге мөлшерінде әлеуметтік көмек төленетін болады.
Отбасының (азаматтың) жиынтық табысын есептеу барысында Қазақстан Республикасының аумағында алынған барлық табыс түрлері, соның ішінде еңбекақы, әлеуметтік төлемдер ескеріледі.
АӘК тағайындаған кезде отбасының жиынтық табысынан көп балалы отбасыларға, «Күміс алқа» және «Алтын алқа» төс белгілерімен марапатталған көп балалы аналарға берілетін мемлекеттік жәрдемақылар, сондай-ақ мүгедектігі бойынша балаларға берілетін жәрдемақылар мен шәкіртақы алынып тасталады.
Қазақстан Республикасы Еңбек және халықты әлеуметтік қорғау министрінің 2009 жылғы 28 шілдедегі № 237 бұйрығымен бекітілген «Мемлекеттiк атаулы әлеуметтiк көмек алуға үмiткер адамның (отбасының) жиынтық табысын есептеудің ережесіне» сәйкес, отбасының жиынтық табысын есептеу кезінде бiрге тұратын, ортақ шаруашылықты жүргiзетiн және тұрғылықты жері бойынша бір елді мекенде тiркелген отбасының барлық мүшелерi ескерiледi.
Осыған орай, атаулы әлеуметтік көмекті тағайындау тәртібі бойынша қосымша мәліметті алу үшін тұрғылықты жеріңіз бойынша жұмыспен қамту орталығына, ал ауылдық жерде - кент, ауыл, ауылдық округ әкіміне жүгіну қажеттігін ескертеміз.

Сұрақтың нөмірі: 360963
30 мамыр, 2019 - 19:14 өзгертілді

Мен Мамбетжанова Назкен Шынгысовна 1988 жылы Қызылорда облысы, Арал ауданы, Сексеуіл станциясында дүниеге келдім және осы ауданда 2004 жылға дейін тұрдым. Осыған орай Қазақстан Республикасы 1992 жылғы 30-маусымындағы «Арал өңіріндегі экологиялық қасірет салдарынан зардап шеккен азаматтарды қорғау туралы» Заңының 6-бабының 1-тармағына сәйкес, экологиялық апат салдарынан зардап шеккен статусын алуға құқылы бола аламын ба және құқылы болған жағдайда айлық жалақымды есептеу барысында қандай коэффициент қолданылатындығын анықтап беруіңізді сұраймын.

Жауап: 

ҚР Еңбек кодексінің 127-1 бабына сәйкес экологиялық апат пен радиациялық қатер аймақтарында еңбек қызметін жүзеге асыратын жұмыскерлер үшін кепілдіктер Қазақстан Республикасының заңдарында белгіленеді.
«Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылғы 30 маусымдағы Заңына (бұдан әрі - Заң) сәйкес Қызылорда облысының Арал ауданының аумақтары экологиялық апат аймағына жатады.
Заңның 13-бабы 1-тармағына сәйкес экологиялық қасірет аймағында тұратын халыққа экологиялық жағынан қолайсыз жағдайда тұрғаны үшін:
- экологиялық апат аймағы бойынша - 1,5;
- экологиялық дағдарыс аймағы бойынша - 1,3;
- экологиялық дағдарыс жағдайына жақындаған аймақ бойынша - 1,2 коэффициентті қолдана отырып, еңбекке ақы белгіленеді.
Сонымен бірге, жұмыскердің еңбек қызметін жүзеге асыру кезеңінде осы аймақта нақты тұратындығы ескеріледі.
Өз еңбек қызметін Қызылорда облысының Арал ауданының аумақтарында жүзеге асыратын жұмыскерлерге экологиялық төлем экологиялық апат аймағы бойынша, яғни 1,5 (50%) коэффициенті белгіленеді.
Осыған орай, Заңның 13-бабына сәйкес аймақтар бойынша еңбегіне қосымша ақы төлеу, қосымша демалыс күнін беру және материалдық көмек алуға осы аймақта тұратын және еңбек қызметін жүзеге асыратын азаматтардың құқығы бар.

Беттер

ҚР тәуелсіздік жылдарындағы жетістіктері
Атаулы әлеуметтік көмек
Көп балалы отбасыларға жәрдемақы тағайындау туралы ақпаратты тексеру
АӘК есептеу бойынша онлайн калькулятор
Статусын тексеру
Балалар еңбегінің ең жаман түрлеріне қарсы күрес
"Қауіпсіз еңбек" ақпараттық науқаны
«Еңбек жолы» Республикалық конкурсы
Қазақстанда іске асырылып жатқан үздік әлеуметтік жобалар
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші