check
A A A
Мазмұнына өту

You are here

"Әлеуметтік көмек" жөнінде сұрақ-жауаптар

Сұрақ тақырыбы: 
Жауап: 

Құрметті Жулдызай Нуржановна!

Атаулы әлеуметтік көмек жан басына шаққандағы табысы күнкөріс деңгейінің 70%-нан төмен (20 789 теңге) отбасыларға көрсетіледі.
«Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің
2009 жылғы 28 шілдедегі № 237-ө бұйрығының 10-тармағына сәйкес отбасының жиынтық табысын есептеу кезінде отбасы құрамында бірге тұратын, жақын туыс болып табылатын, ортақ шаруашылықты жүргізетін және тұрғылықты жері бойынша бір елді мекен шегінде тіркелген отбасының барлық мүшелері ескеріледі.
Осыған орай, тұрғылықты жеріңіз бойынша халықты жұмыспен қамту орталығына, ал ауылдық жерде тұрған жағдайда ауылдық кент, ауыл, ауылдық округ әкімдігіне – белгіленген үлгідегі өтінішпен және сәйкестендіру үшін жеке басыңызды куәландыратын құжатпен жүгінуіңізге болады.

Сұрақ тақырыбы: 

Атаулы әлеуметтік көмектің жаңа форматы ұсынғалы, біраз жұрт қуанып қалып еді. Құжат тапсыруға ХҚКО барғанда кейбір нюанстермен қанағаттанбай қайтып жатыр. Мәселен, кейбіреулердің жылжымайтын мүліктеріне де жиынтық есебіне кіргізіп жатыр дейді. Ал, ресми сайтта Жиынтық табысқа кіретіндер:

Жауап: 

Құрметті Әдемі Бейбітқызы!

«Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі № 246 Заңы (бұдан әрі – Заң)
1-бабының 5-2)-тармағына сәйкес аз қамтылған адамдар (отбасылар) – жан басына шаққандағы орташа айлық табысы облыстарда, республикалық маңызы бар қалаларда, астанада белгіленген кедейлік шегінен төмен адамдар (отбасылар) болып табылады және бұл адамдар атаулы әлеуметтік көмек алуға құқығы бар.
«Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің
2009 жылғы 28 шілдедегі № 237-ө бұйрығының 4-тармағына сәйкес отбасының жиынтық табысын есептеу кезінде Қазақстан Республикасында және одан тыс жерлерде есептi кезеңде алынған табыстың барлық түрлерi ескеріледі, олар:
1) еңбекақы, әлеуметтiк төлемдер түрiнде алынатын табыс;
2) «Неке (ерлі-зайыптылық) және отбасы туралы» 2011 жылғы
26 желтоқсандағы Қазақстан Республикасының Кодексінде көрсетілген балаларға және басқа да асырауындағыларға алимент түрiндегi табыс;
3) жеке қосалқы шаруашылықтан - мал мен құс ұстауды, бағбандықты, бақша өсiрудi қамтитын үй жанындағы шаруашылықтан түсетін табыс;
4) кәсiпкерлiк қызметтен түсетiн табыс;
5) жылжымайтын мүлiктi және көлiк құралдарын жалға беруден және сатудан түсетiн табыс;
6) бағалы қағаздардан түсетiн табыс;
7) жылжымайтын мүлiктi, көлiк құралдарын және басқа да мүлікті сыйға тарту, мұрагерлiкке алу түрiнде алынған табыс;
8) кредитті (шағын кредитті) пайдаланудан түсетiн табыс;
9) өтеусіз алынған ақша түріндегі табыс;
10) ақша салымдары және депозиттер бойынша сыйақылар (мүдде) түріндегі табыс;
11) ақшалай аударымдар түріндегі табыс;
12) конкурстарда, жарыстарда (олимпиадаларда), фестивальдарда, лотереялар, салымдар мен борышкерлiк бағалы қағаздар бойынша алынған ұтыстарды қоса алғанда, ақшалай және (немесе) заттай түрдегi табыс.
АӘК тағайындау үшін қажетті ақпарат алу мақсатында тұрғылықты жеріңіз бойынша халықты жұмыспен қамту орталығына, ал ауылдық жерде тұрған жағдайда ауылдық кент, ауыл, ауылдық округ әкімдігіне жүгіну қажет екендігіне назар аударамыз.
Министрлік сайтына аз қамтылған отбасылардың анықтамасын беру туралы ұсынысыңыз мәліметке алынды.

Сұрақтың нөмірі: 360134
4 мамыр, 2019 - 21:17 өзгертілді
Сұрақ тақырыбы: 

          Мен  Мырзабеков Ескендир Койшыбаевич  Түркістан облысы  Созақ ауданы Шолаққорған ауылының тұрғынымын. Көп балалы отбасының иесімін.

Жауап: 

Құрметті Ескендір Қойшыбаевич! «Мемлекеттік атаулы әлеуметтік көмек туралы» Қазақстан Республикасының Заңына сәйкес атаулы әлеуметтік көмек жан басына шаққандағы орташа табысы АӘК көрсету критерийінен аспайтын адамдарға тағайындалады. АӘК отбасының жан басына шаққандағы орташа табысы күнкөріс деңгейінің 70%-нан төмен болғанда тағайындалады және атаулы әлеуметтік көмек алатын отбасылардың әрбір баласына 20 789 теңге мөлшерінде әлеуметтік көмек төленетін болады. Отбасының (азаматтың) жиынтық табысын есептеу барысында Қазақстан Республикасының аумағында алынған барлық табыс түрлері, соның ішінде еңбекақы, әлеуметтік төлемдер ескеріледі. АӘК тағайындаған кезде отбасының жиынтық табысынан көп балалы отбасыларға, «Күміс алқа» және «Алтын алқа» төс белгілерімен марапатталған көп балалы аналарға берілетін мемлекеттік жәрдемақылар, сондай-ақ мүгедектігі бойынша балаларға берілетін жәрдемақылар мен шәкіртақы алынып тасталады. Жаңа нысандағы АӘК 2 түрге бөлінеді: шартсыз және шартты ақшалай көмек. Шартсыз ақшалай көмек құрамында еңбекке қабілетті мүшелері жоқ отбасыларға (мысалы, мүгедектер мен қарт зейнеткерлер отбасылары) немесе еңбекке қабілетті мүшелері объективті себептер бойынша жұмыспен қамтуға жәрдемдесу шараларына қатыса алмайтын отбасыларға (мысалы, мектепке дейінгі жастағы балалары бар жалғыз басты ана) ұсынылатын болады. Мұндай отбасылардан жұмыспен қамту шараларына қатысу талап етілмейді. Шартты ақшалай көмек әлеуметтік келісімшарт жасасу және отбасының еңбекке қабілетті барлық мүшелерінің жұмыспен қамтуға жәрдемдесу шараларына міндетті түрде қатысу шартымен құрамында кем дегенде бір еңбекке қабілетті мүшесі бар отбасыларға ұсынылатын болады. Сіздің өтінішіңізде аталған келісімшарт мәселесін айтатын болсақ, әлеуметтік келісімшарт ол екі тараптың – әлеуметтік көмек алушы мен әлеуметтік қорғау қызметінің міндеттемелері қамтылған, қаржылай көмек алуға арналған құжат. Яғни, мемлекет осы келісімшарт аясында өз тарапынан отбасының өмірлік қиын жағдайдан шығуы үшін кәсіптік және әлеуметтік бейімдеу шараларын қолданатын болады, оларға қаржылай көмек те қосылады (жаңа форматтағы АӘК), ол үшін алушыдан сәйкес әрекеттер талап етіледі (жұмыс іздеу, әлеуметтік-кәсіптік бейімдеу). Келісімшарт бойынша аз қамтылған азаматтар өзіне жұмысқа орналасу бойынша міндеттемелер қабылдайды (көбінесе Нәтижелі жұмыспен қамтуды және жаппай кәсіпкерлікті дамыту бағдарламасының аясында), мемлекет жергілікті деңгейдегі атқарушы орган ретінде (Жұмыспен қамту орталығы және жұмыспен қамту және әлеуметтік бағдарламалар бөлімдері) оларға жұмыспен қамтуға жәрдемдесу шараларын, ал қажетті жағдайларда – әлеуметтік бейімдеу шараларын көрсетуге міндеттеледі.

Сұрақтың нөмірі: 360058
23 сәуір, 2019 - 16:44 өзгертілді
Сұрақ тақырыбы: 
Жауап: 

«Мемлекеттік атаулы әлеуметтік көмек туралы» Қазақстан Республикасының Заңына сәйкес 2019 жылдың сәуір айынан бастап аз қамтылған отбасыларды қолдау үшін атаулы әлеуметтік көмек тағайындаудың жаңа механизмі енгізілді.
Жаңа форматтағы атаулы әлеуметтік көмек көрсету критерийі бір адамға ең төменгі күнкөріс деңгейінің 70%-ы яғни 20 789 теңгені құрайды.
Сонымен бірге, Қазақстан Республикасы Үкіметінің 2013 жылғы 21 мамырдағы № 504 қаулысына сәйкес жергілікті атқарушы органдар жергілікті өкілетті органдар бекіткен үлгілік қағидалар негiзiнде әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын әзірлейді.
Аталған Үлгілік қағидаларға сәйкес әлеуметтік көмек мұқтаж азаматтардың жекелеген санаттарына өмірлік қиын жағдайға тап болғанда ақшалай немесе заттай нысанда көрсетіледі.
Бұл ретте, жергілікті атқарушы органдарға халықтың әлеуметтік жағынан осал топтарына көмек көрсету бойынша жеткілікті өкілеттілік берілгендігін хабарлаймыз.
Осы орайда, тұрғылықты жеріңіздегі әкімдікке немесе жұмыспен қамту және әлеуметтік бағдарламалар бөліміне хабарласу қажет екендігін хабарлаймыз.

Сұрақтың нөмірі: 360052
30 сәуір, 2019 - 20:36 өзгертілді
Сұрақ тақырыбы: 
Жауап: 

Құрметті Сапаргуль Абдуразаковна!

Атаулы әлеуметтік көмек (бұдан әрі – АӘК) жан басына шаққандағы табысы күнкөріс деңгейінің 70%-нан төмен (20 789 теңге) отбасыларға көрсетіледі.
«Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің 2009 жылғы 28 шілдедегі № 237-ө бұйрығының 10-тармағына сәйкес отбасының жиынтық табысын есептеу кезінде отбасы құрамында бірге тұратын, жақын туыс болатын, ортақ шаруашылықты жүргізетін және тұрғылықты жері бойынша бір елді мекен шегінде тіркелген отбасының барлық мүшелері ескеріледі.
Бұл ретте, «Мемлекеттiк атаулы әлеуметтiк көмектi тағайындау және төлеу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 5 мамырдағы № 320 бұйрығының 4-тармағына сәйкес АӘК алуға үміткер адам немесе отбасы АӘК тағайындау үшін тұрғылықты жері бойынша Орталыққа, ал тұрғылықты жері бойынша Орталық болмаған жағдайда – кент, ауыл, ауылдық округ әкіміне жүгінеді.
Осыған орай Сізге тұрғылықты мекен жайыңыз бойынша уақытша немесе тұрақты тіркеуге тұру қажет.

Сұрақ тақырыбы: 

Сәлеметсіздер ма! Мен  Тараз қаласының тұрғыны, үйленгем, 3 балам бар /балдарымның туылған жылдары -2013,2015,2017/. Қазіргі таңда жұмыс жасамаймын, бала күтіміне байланысты демалыста үйде отырған анамын. Бүгінгі күні отбасымызда тек жолдасым жұмыс атқарады. Жолдасымның айлығы 170 мыңды құрайды /осы жылдың ақпан айынан бастап, бұған дейін 80-120 мың теңге болған/. Осы ақшадан 90 мыңын айсайын үй алуға алынған несиені жауып отырмыз. Қалған 80 мың 3 баланың шығындары мен коммунальдік шығындарға әрең жетеді.

Жауап: 

Құрметті Майя Қуанышқызы!

Атаулы әлеуметтік көмекке қатысты
Атаулы әлеуметтік көмек (бұдан әрі – АӘК) жан басына шаққандағы табысы күнкөріс деңгейінің 70%-нан төмен (20 789 теңге) отбасыларға көрсетіледі.
Сіз ұсынған ақпаратқа сәйкес отбасыңызда жан басына шаққандағы табыс 34 000 теңгені (170 000 / 5 = 34 000 теңге) құрап, АӘК критерийінен жоғары болғандықтан АӘК тағайындалынбайды.
Бала күтімі бойынша демалыстан қайта жұмысқа шығуға қатысты
ҚР Еңбек кодексінің (бұдан әрі - Кодекс) 100-бабының 3 және
4-тармақтарына сәйкес бала үш жасқа толғанға дейін оның күтіміне байланысты жалақы сақталмайтын демалыс уақытында жұмыскердің жұмыс орны (лауазымы) сақталады.
Егерде бала үш жасқа толғанға дейін оның күтіміне байланысты жалақы сақталмайтын демалыс аяқталғанға дейін жұмысқа шыққан жағдайда жұмыскер жұмыс берушіге өзінің ниеті туралы жұмыс басталғанға дейін бір ай бұрын ескертуге міндетті.
Сонымен қатар, Кодекстің 54-бабының 2-тармағына сәйкес жұмыс берушіге жүктілік туралы анықтаманы ұсынған жүктi әйелдермен, үш жасқа дейiнгi балалары бар әйелдермен, он төрт жасқа дейінгі баланы (он сегіз жасқа дейінгі мүгедек баланы) тәрбиелеп отырған жалғызілікті аналармен, аталған балалар санатын анасыз тәрбиелеп отырған өзге де адамдармен осы Кодекстiң 52-бабы 1-тармағының 2)-тармақшасындағы жұмыскерлер саны немесе штаты қысқартылған негіз бойынша жұмыс берушінің бастамасымен еңбек шартын бұзуға жол берілмейді.
Қазақстан Республикасы еңбек заңнамасының бұзылуына кінәлі тұлғалар Қазақстан Республикасының заңдарына сәйкес жауаптылықта болады.
Қазақстан Республикасының еңбек заңнамасының сақталуын мемлекеттік бақылауды мемлекеттік еңбек инспекторлары жүзеге асырады және тексеру Қазақстан Республикасының Кәсіпкерлік кодексіне сәйкес өткізіледі.
Сондықтан, егер жұмыс беруші еңбек заңнамасын бұзатын болса, онда жұмыскер еңбек құқығын қорғау үшін еңбек инспекциясы жөніндегі жергілікті орғанға шағымдану қажет (Жамбыл облысының Еңбек инспекциясы басқармасының мекен-жайы: Тараз қаласы, Желтоқсан көшесі, 78, тел: (7262)55-53-71.
Еңбек инспекциясы түскен арыз негізінде мекемеде тексеру жұмыстарын жүргізіп, бұзушылық анықталған жағдайда заңнамаға сәйкес тиісті шараларды қабылдайтын болады.

Сұрақтың нөмірі: 360047
4 мамыр, 2019 - 21:16 өзгертілді
Сұрақ тақырыбы: 

Ассалаумағаликум, құрметты мырзалар ханымдар .Меным атым Нұрмұхамет Қалибай ұлы.жасым 35де .Алты баланың әкесымын.жолдасым бар.есымы Бағила Махаббат қызы.

Жауап: 

Құрметті Нұрмұхамет!

Қазіргі уақытта аз қамтылған отбасыларға ұсынылатын көмектің негізгі түрі – атаулы әлеуметтік көмек жүйесі болып табылады. Бұл көмек «Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі Заңына сәйкес жан басына шаққандағы орташа табысы облыстарда, республикалық маңызы бар қалалар, астанада белгіленген кедейлік шегінен (күнкөріс деңгейінің 70 %) аспайтын адамға (отбасыға) шартсыз немесе шартты ақшалай көмек түрінде беруі көзделген.
АӘК екі түрге бөлінеді: шартсыз және шартты ақшалай көмек.
Шартсыз ақшалай көмек құрамында еңбекке қабілетті мүшелері жоқ отбасыларға (мысалы, мүгедектер немесе қария зейнеткерлер отбасылары), немесе еңбекке қабілетті мүшелері объективті себептер бойынша жұмыспен қамтудың белсенді шараларына тартыла алмайтын отбасыларға (мысалы, мектепке дейінгі жастағы балалары бар жалғыз басты ана) ұсынылады.
Шартты ақшалай көмек әлеуметтік келісімшарт жасасу және барлық еңбекке қабілетті отбасы мүшелерінің жұмыспен қамтуға жәрдемдесу шараларына қатысу шартымен, құрамында кем дегенде бір еңбекке қабілетті мүшесі бар отбасыларға ұсынылады.
Жаңа тәртіпке сәйкес атаулы әлеуметтік көмек алуға үміткерлерге тұрғылықты жері бойынша жұмыспен қамту орталығына, ал ауылдық жерде - кент, ауыл, ауылдық округ әкіміне бекітілген нұсқа бойынша өтінішпен және бірдейлендіру үшін жеке куәлікпен жолығу қажет.
Орталық атқарушы уәкілетті органмен айқындалатын тізіміне сәйкес қажетті құжаттарды жинау тұрғылықты жері бойынша жұмыспен қамту орталығымен, ал ауылдық жерде - кент, ауыл, ауылдық округ әкімімен мемлекеттік органдардың және (немесе) мекемелердің ақпараттық жүйелері арқылы жүзеге асырылады.
Осыған орай, отбасыңыздың табыс мөлшері жоғарыда көрсетілген көрсеткіштен аспаған жағдайда осы жәрдемақыны алуға үміткер бола аласыз.

Сұрақтың нөмірі: 360040
26 сәуір, 2019 - 19:21 өзгертілді
Сұрақ тақырыбы: 

Атаулы алеуметтик комекке кужат откизе алмай журмин.Мамандарга барсам пропискаларын болек болуы керек дейди.Уйимиз жеримиз болмаса кайдан прописка болады.Тусинбеймин.Жаз болса Алматыда квартирадан квартирага кошип журемиз.Куйеуим ар турли жалдамалы жумыстар жасайды.Занга суйенсек бари онай,ал туратын жеримизде мекемеге барсак киындатып жибереди.Алде бари отирикпе.Халыкка деген комектериниз кайда калды.

Жауап: 

Құрметті Ару Кенесқызы!

«Мемлекеттік атаулы әлеуметтік көмек туралы» Қазақстан Республикасының Заңына сәйкес 2019 жылдың сәуір айынан бастап аз қамтылған отбасыларды қолдау үшін атаулы әлеуметтік көмек тағайындаудың жаңа механизмі енгізілді.
Жаңа форматтағы атаулы әлеуметтік көмек көрсету критерийі бір адамға ең төменгі күнкөріс деңгейінің 70%-ы яғни 20 789 теңгені құрайды.
Сонымен бірге, қолданыстағы заңнамаға сәйкес атаулы әлеуметтік көмек алуға үміткер адамның және отбасының әрбір мүшесіне тұрғылықты немесе уақытша жері бойынша тіркеу туралы мәлімет ақпараттық жүйелерден сұралады немеме қағаз түрінде ұсынылады (негіз: «Мемлекеттік атаулы әлеуметтік көмекті тағайындау және төлеу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 5 мамырдағы №320 бұйрығына өзгеріс енгізу туралы Қазақстан Республикасы Еңбек және халықты әлеуметтік қорғау министрінің 2019 жылғы 5 сәуірдегі №165 бұйрығы).
Бұдан басқа, коммуналдық тұрғын үй қорынан тұрғынжайлар немесе жеке тұрғын үй қорынан жергілікті атқарушы орган жалдаған тұрғынжайлар осы елді мекенде тұрақты тұратын, тұрғын үйге мұқтаж Қазақстан Республикасының азаматтарына пайдалануға беріледі. Қазақстан Республикасының азаматтарын республикалық маңызы бар қалаларда, астанада есепке қою үшін кемінде үш жыл тұрақты тұруы талап етіледі(негіз: «Тұрғын үй қатынастары туралы» ҚР Заңы).
Бұл ретте, тұрғын үй, жалға берілетін тұрғын үй алу, тұрғын үй алуға кезекке тұру және т.б. мәселелері жергілікті атқарушы органдар арқылы жүргізіледі.
Осыған орай, тұрғын үй мәселесі және атаулы әлеуметтік көмек көрсету бойынша әкімдікке және Халықты жұмыспен қамту орталығына жолығу қажеттігін хабарлаймыз.

Сұрақ тақырыбы: 
Жауап: 

Құрметті Нигора Дилмуратовна!

Атаулы әлеуметтік көмек жан басына шаққандағы табысы күнкөріс деңгейінің 70%-нан төмен (20 789 теңге) отбасыларға көрсетіледі.
«Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің
2009 жылғы 28 шілдедегі № 237-ө бұйрығының 4-тармағына сәйкес отбасының жиынтық табысын есептеу кезінде Қазақстан Республикасында және одан тыс жерлерде есептi кезеңде алынған табыстың барлық түрлерi ескеріледі, соның ішінде еңбекақы, әлеуметтiк төлемдер түрiнде алынатын табыс, кредитті (шағын кредитті) пайдаланудан түсетiн табыс және т.б.
Аталған жәрдемақыны тағайындау үшін Сізге тұрғылықты жеріңіз бойынша халықты жұмыспен қамту орталығына, ал ауылдық жерде тұрған жағдайда ауылдық кент, ауыл, ауылдық округ әкімдігіне – белгіленген үлгідегі өтінішпен және сәйкестендіру үшін жеке басыңызды куәландыратын құжатпен жүгіну керек.

Сұрақ тақырыбы: 
Жауап: 

Құрметті Сапаргуль Абдуразаковна!

Атаулы әлеуметтік көмек (бұдан әрі – АӘК) жан басына шаққандағы табысы күнкөріс деңгейінің 70%-нан төмен (20 789 теңге) отбасыларға көрсетіледі.
«Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің 2009 жылғы 28 шілдедегі № 237-ө бұйрығының 10-тармағына сәйкес отбасының жиынтық табысын есептеу кезінде отбасы құрамында бірге тұратын, жақын туыс болатын, ортақ шаруашылықты жүргізетін және тұрғылықты жері бойынша бір елді мекен шегінде тіркелген отбасының барлық мүшелері ескеріледі.
Бұл ретте, «Мемлекеттiк атаулы әлеуметтiк көмектi тағайындау және төлеу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 5 мамырдағы № 320 бұйрығының 4-тармағына сәйкес АӘК алуға үміткер адам немесе отбасы АӘК тағайындау үшін тұрғылықты жері бойынша Орталыққа, ал тұрғылықты жері бойынша Орталық болмаған жағдайда – кент, ауыл, ауылдық округ әкіміне жүгінеді.
Осыған орай Сізге тұрғылықты мекен жайыңыз бойынша уақытша немесе тұрақты тіркеуге тұру қажет.

Беттер

ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Статусын тексеру
Балалар еңбегінің ең жаман түрлеріне қарсы күрес
"Қауіпсіз еңбек" ақпараттық науқаны
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші