A A A
Мазмұнына өту

You are here

«Зейнетақы және әлеуметтік қамсыздандыру» сұрақтар-жауаптар

 

Жауап: 

Сәлеметсізбе құрметті Жазира!

Қазақстан Республикасының «Қазақстан Республикасында зейнетақымен қамсыздандыру туралы» (бұдан әрі - Заң) 2013 жылғы 21 маусымдағы Заңына сәйкес зейнетақы мөлшерін белгілеу азаматтардың  зейнетақы есебі үшін тапсырған табыс мөлшері және еңбек өтіліне байланысты тағайындалады.

Заңның 19 бабына сәйкес, орталықтан зейнетақы төлемдерi зейнетақы тағайындауға өтiнiш берiлген күннен бастап тағайындалады.
            Өтініш пен қажеттi құжаттарды Орталыққа бiр мезгiлде берген күн Орталықтан зейнетақы төлемдерiн тағайындауға өтiнiш берген күн болып есептеледi.

Әйелдерге жасына байланысты зейнетақы төлемдерін толық көлемінде тағайындау 1998 жылғы 1 қаңтарға дейінгі кезенге кемінде 20 жыл еңбек өтілі болған жағдайда көзделген.

Егер, жоғарыда аталған Заң талаптары бойынша зейнетақы төлеміне құқығы болмаған жағдайда жасына байланысты мемлекеттік базалық әлеуметтік жәрдемақы тағайындалады (негіз: ҚР 16.06.1997 жылғы № 126-1 «Қазақстан Республикасында мүгедектігіне, асыраушысынан айрылу жағдайы бойынша және жасына байланысты берілетін мемлекеттік әлеуметтік жәрдемақылар туралы» Заңы 17 – бап).

Осыған орай, Сіз Қытай Халық Республикасынан көшіп келуіңізге байланысты және бұл Республикамен Қазақстан Республикасының арасында зейнетақымен қамсыздандыру жөнінде келісім болмағандықтан, Сіздің сол елдің туу туралы куәлігін ескеру үшін апостиль қою немесе консулдық заңдастыру рәсімі қажет екенін хабарлаймыз.

 

БӘҚК сарапшысы Ергеш Е.  

Жауап: 

Сіздің көтерген сұрағыңыздың мәнін толық ашып жазбауыңызға байланысты нақты жауап беруге мүмкіндік болмағанын хабарлаймыз.

Егер де, Сіздің көтерген сұрағыңыз зейнетке шыққан азаматтарға міндетті зейнетақы жарналарын аудару туралы болса, қолданыстағы зейнетақымен қамсыздандыру туралы заңының 24 бабының талаптарына сәйкес зейнеткерлік жасқа толған қызметкерлердің пайдасына бірыңғай жинақтаушы зейнетақы қорына міндетті зейнетақы жарналары төленбейді.

 

 

Орын.:   Эксперт ККСЗ   Ергеш Е.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 Құрметі әлеуметтік сала қызметкерлері!

Менің білгім келгені,

1) Босанған әйелдерге бір берілетін әлеуметтік көмектің заңға сәйкес берілу ережелері қандай және оған қол жеткізу жолдары (құжаттар т.б.)?

Жауап: 

1) Босанған әйелдерге бір берілетін әлеуметтік көмектің заңға сәйкес берілу ережелері қандай және оған қол жеткізу жолдары (құжаттар т.б.)?

«Міндетті әлеуметтік сақтандыру туралы» ҚР Заңына (бұдан әрі - Заң) сәйкес жұмыс істейтін әйел азаматтарына Мемлекеттiк әлеуметтiк сақтандыру қорына (бұдан әрі - Қор) жұмыс берушілердің ай сайын аударып отырған әлеуметтiк аударымдар (бұдан әрі - ӘА) негізінде жүктілікке және босануға байланысты табысынан айрылған жағдайда берілетін бір реттік әлеуметтік төлем (бұдан әрі - ӘТжб) тағайындалады.

ӘТжб төлемдерін тағайындау үшін тұрғылықты жеріңіздегі Мемлекеттік зейнетақы төлеу орталығының бөлімшесіне барып қажетті құжаттармен қоса өтініш білдіре аласыз. Өтiнiшке:

1) жеке басты куәландыратын құжат;

2) тұрғылықты жерi туралы мәлiметтер (мекенжай анықтамасы немесе ауылдық округ әкiмiнiң анықтамасы);

3)  еңбекке уақытша жарамсыздық парағы (парақтары);

4) жұмыс орнынан әлеуметтiк қатердiң басталуы алдындағы соңғы күнтiзбелiк он екi ай ішіндегі табыстары туралы белгiленген үлгiдегi анықтама (анықтамалар);

5) банктерде және (немесе) банк операцияларының жекелеген түрлерін жүзеге асыратын ұйымдарда ашылған банктік шотының нөмірі не түзеу мекемесінің қолма-қол ақшаны бақылау шоты туралы мәліметтер;

6) өзін-өзі жұмыспен қамтыған адамдар үшін қосымша:

дара кәсіпкер ретінде мемлекеттік тіркеу туралы куәліктің көшірмесі;

салық органдары берген салық және бюджетке төленетін басқа да міндетті төлемдер бойынша салыстыру актісі қоса беріледі.

ӘТжб төлемін тағайындау құқығы жүктiлiгі және босануы бойынша еңбекке жарамсыздық парағында жұмыс берушінің көрсеткен  күнінен бастап туындайды.

ӘТжб мөлшерi ӘА есептеу объектісі ретінде ескерілген табыстың орташа айлық мөлшерін (бұдан әрі - ОАТ) еңбекке жарамсыздық күндері (бұдан әрі - ЕЖК) санының тиісті коэффициентіне көбейту арқылы айқындалады.

ӘА есептеу объектiсi ретiнде ескерiлген ОАТ мөлшері ӘТжб құқық басталған айдың алдындағы соңғы күнтізбелік 12 ай ішінде ӘА жүргізілген (осы кезеңде әлеуметтік аударымдарда үзілістердің болу-болмауына қарамастан) табыстар сомасын 12 бөлу арқылы айқындалады.

ЕЖК санының коэффициенті еңбекке уақытша жарамсыздық парағы берілген күндер санын күнтізбелік 30 күнге бөлу арқылы айқындалады.

 

2. Жөргек пұлдың ең жоғарғы көлемі қанша және оған қол жеткізу қандай көрсеткіштерге байланысты (зейнетақы қоры, әлеуметтік төлем т.б.), сонымен қатар ол қалай есептеледі?

Мемлекеттік әлеуметтік сақтандыру қорынан төленетін әлеуметтік төлемдердің мөлшерін есептеу (айқындау), тағайындау, қайта есептеу және арттыру қағидаларын бекіту туралы ҚР Үкіметінің 2007 жылғы 28 желтоқсандағы № 1307 Қаулысына сәйкес егер ӘТжб алушының ай сайынғы табысы әлеуметтік қатер басталған күнге дейін күнтізбелік он екі ай ішінде республикалық бюджет туралы заңда белгіленген ең төменгі жалақының он еселенген мөлшерінен асатын болса, Қордан ӘТжб мен жүктілікке және босануға байланысты демалысқа төленетін ақы арасындағы айырманы жұмыс беруші Қазақстан Республикасының еңбек заңнамасына сәйкес жүзеге асырады.

ӘТжб көлемі Сіздің жұмыс берушіңіздің ай сайын Сіздің атыңызға аударып отырған ӘА көлеміне тікелей байланысты болады.

 

3) Жүкті әйелдерге жүкті болғаннан бастап босанғанға дейін берілетін әлеуметтік көмек қандай?

Жүкті әйел жүкті болғанға дейін жұмыс істесе жүктіліктің 30 – ыншы аптасында берілетін еңбекке уақытша жарамсыздық парағы негізінде ӘТжб Қордан тағайындалады.

Ал, егер әйел жұмыс істемесе, яғни оның атына ӘА-дар болмаса, «Балалы отбасыларға берілетін мемлекеттік жәрдемақылар туралы» ҚР Заңына сәйкес бала туғанда мемлекеттік бюджеттен берілетін жәрдемақы алуға құқығы бар. Бұл жәрдемақы әрбір әйелге тағайындалады және оның мөлшері:

-       бірінші, екінші, үшінші балаға – 31,41 айлық есептік көрсеткіш (бұдан әрі - АЕК);

-       төртінші және одан кейінгі балаларға – 52,35 АЕК құрайды.

01.01.2014ж. бастап АЕК - 1852 теңге.

 

4. Босанғаннан кейін бала 1 жасқа толғанша көрсетілетін көмек және оны алу жолдары?

Заңға сәйкес жұмыс істейтін әйел азаматтарына Қордан жұмыс берушілердің ай сайын аударып отырған ӘА негізінде бала бiр жасқа толғанға дейiн оның күтiмiне байланысты табысынан айырылған жағдайда төленетiн әлеуметтiк төлем (бұдан әрі - ӘТбк) тағайындалады.

ӘТбк мөлшері әлеуметтік аударымдарды есептеу объектісі ретінде ескерілген табыстың орташа айлық мөлшерін табысты алмастыру коэффициентіне көбейту арқылы мына формула бойынша айқындалады:

ӘТ бк = ОАТ х ТАК мұндағы:

ӘТ бк - бала бір жасқа толғанға дейін оның күтіміне байланысты табысынан айырылған жағдайда төленетін әлеуметтік төлем;

ОАТ - міндетті әлеуметтік сақтандыру жүйесіне қатысушының орташа айлық табысы;

ТАК - табысты алмастыру коэффициенті.

ӘТбк тағайындау үшiн өтiнiшке:

1) жеке басты куәландыратын құжат;

2) тұрғылықты жерi туралы мәлiметтер (мекенжай анықтамасы немесе ауылдық округ әкiмiнiң анықтамасы);

3) баланың (балалардың) туу туралы куәлiгінің көшiрмесi, сондай-ақ оны салыстыру үшiн түпнұсқасы;

4) отбасының құрамы туралы мәліметтер;

5) банктерде және (немесе) банк операцияларының жекелеген түрлерін жүзеге асыратын ұйымдарда ашылған банктік шотының нөмірі не түзеу мекемесінің қолма-қол ақшаны бақылау шоты туралы мәліметтер.

ӘТбк баланың туу туралы куәлiгiнде көрсетiлген туған күнiнен бастап ол бiр жасқа толған күндi қоса алғандағы мерзімге дейiн тағайындалады.

Бұл ретте, ӘТбк төлемнің ең жоғары мөлшері республикалық бюджет туралы заңда белгіленген ең төмен жалақының 10 еселенген мөлшерінің 40 %-нан аспауға, ал ӘТбк ең төмен мөлшері бала бір жасқа толғанға дейін оның күтіміне байланысты берілетін ай сайынғы мемлекеттік жәрдемақы мөлшерінен кем болмауға тиіс.

 

Орын. БӘҚК сапаршысы Суханова К.

Сұрақтың нөмірі: 309987
10 шілде, 2014 - 17:34 өзгертілді

 

Жауап: 

Сәлеметсіз бе  Ибрагимов Жакып!

Сіздің зейнетақы іс-қағаздарыңыздағы құжаттар мұқият зерттеліп, зейнетақы төлемдердің есебі Қазақстан Республикасының зейнетақы заңнамалары талаптарына  сәйкестігі тексерілді.

Зейнетақы төлемдерді тағайындаудың негізгі өлшемдері ретінде еңбек стажы мен азаматтардың зейнетақы төлемдерді тағайындауда ұсынатын орташа айлық табыс мөлшері болып табылады.  

Зейнетақы мөлшерінің  арттырылуы  мамандығына немесе атқарған қызметіне тәуелді емес. Зейнетақы  төлемдерінің тағайындалуы  және арттырылыу барлық зейнеткерлерге бірдей тәртіпте жүргізіледі.

         Сіздің зейнеткерлік ісіңіздегі құжаттарға сәйкес жасыңызға байланысты зейнетақы төлемі  2011 жылдың  мамырында  38  жыл  еңбек стажыңызға сәйкес тағайындалған.

Бірақ орташа айлық табысыңыз төмен болғандықтан Сізге зейнетақы  кепілдендіріген ең  төменгі  мөлшерде тағайындалған.

 Ағымдағы  жылда  Сіздің зейнетақы төлеміңіздің  жалпы сомасы 32 188 теңгені (зейнеткерлік төлемі – 21 738  теңге, базалық зейнетақы – 10 450 тенге) құрайды және оның  көлемін есептеу қолданыстағы заңнама нормаларына сәйкес жүргізілген.

Осыған орай, қазіргі кезде Еңбек және халықты әлеуметтік қорғау министрлігімен зейнетақымен қамсыздандыру жүйесін және зейнетақы төлемдерінің мөлшерін жоғарлату жөнінде келешекке ұзақ мерзімді бағдарламалар бойынша  жұмыс атқарып жатыр. Олар қазіргі зейнеткерлердің де, сол сияқты болашақ зейнеткерлердің де мүдделеріне жауап береді.

Қазіргі зейнеткерлер үшін зейнетақымен қамсыздандырудың ынтымақты, сол сияқты жинақтаушы жүйелеріне қатысу өтілін ескере отырып,  базалық зейнетақыны қайта есептеу жүргізілетін болады. Бұл  еңбек өтілі үлкен болса да, зейнеткерлікке шығу сәтіне табыстары туралы мәліметтердің болмауына, сондай-ақ заңнамалық тұрғыдан белгіленген шектеулерге байланысты төмен мөлшерде зейнетақы алатын зейнеткерлер үшін зейнетақы төлемдерінің мөлшерін арттыруға мүмкіндік береді.

 

 

 

 

Орынд. С. Шәмшікен, ЗТМО бөлім басшысы

Сұрақтың нөмірі: 309072
18 маусым, 2014 - 11:30 өзгертілді

Саламатсыздар ма !

Сіздерден төмендегі сұрақтарға жауап беріп, нұсқамалық көмек көрсетуіңізді сұранамын.

Алдын ала алғысымды білдіремін!

Жауап: 

ҚР Еңбек кодексінің  (бұдан әрі - Кодекс) 1-б. 6)-т. сәйкес ауысымдық жұмыс - тәулік ішінде екі не үш немесе төрт жұмыс ауысымындағы жұмыс.

Кодекстің 84-бабына сәйкес ауысымдық жұмыс 84-бабына сәйкес, өндірістік процестің ұзақтығы не жұмыс берушінің өндірістік қызметінің режимі күнделікті жұмыс ұзақтығының нормасынан асып кеткен жағдайларда ауысымдық жұмыс белгіленуі мүмкін.
Ауысымдық жұмыс кезінде жұмыс ауысымының ұзақтығы, бір жұмыс ауысымынан екіншісіне өту қызметкерлер өкілдерімен келісе отырып жұмыс беруші бекіткен ауысым кестелерімен белгіленеді.

Жұмыс беруші ауысым кестелерін қызметкерлер назарына осы кестелер қолданысқа енгізілгенге дейін бір айдан кешіктірмей жеткізеді.
Қызметкерді қатарынан екі жұмыс ауысымында жұмысқа тартуға тыйым салынады.

Кодекстің 86-бабына сәйкес,  жұмыс уақытының жиынтық есебі үздіксіз жұмыс істейтін өндірістерде, цехтарда, учаскелерде және өндіріс (жұмыс) жағдайлары бойынша қызметкерлердің осы санаты үшін белгіленген жұмыс уақытының күнделікті немесе апта сайынғы ұзақтығы сақтала алмайтын жұмыстардың кейбір түрлерінде қолданылады.

Шегінде қызметкерлердің осы санаты үшін белгіленген күнделікті және (немесе) апта сайынғы жұмыс уақыты ұзақтығының нормасы орташа алғанда сақталуға тиіс кезең жұмыс уақытының жиынтық есебі кезіндегі есептік кезең деп танылады.
 

Кез келген, бірақ бір жылдан аспайтын күнтізбелік кезең немесе белгілі бір жұмысты орындау кезеңі жұмыс уақытының жиынтық есебі кезіндегі есептік кезең болуы мүмкін.

Жұмыс уақытының жиынтық есебін белгілеу кезінде жұмыстың аяқталуы мен келесі жұмыс күнінің (жұмыс ауысымының) басталуы арасындағы қызметкердің демалыс ұзақтығының сақталуы міндетті болып табылады.
Жұмыс уақытының жиынтық есебі кезінде жұмыс істеу тәртібі, жұмыс уақытының жиынтық есебі белгіленетін қызметкерлердің санаттары, қызметкерлер өкілдерінің пікірі ескеріле отырып, еңбек шартында немесе ұжымдық шартта не жұмыс берушінің актісінде айқындалады.

Кодекстің 95-бабына Қызметкердің жұмыстың аяқталуы мен оның келесі күні басталуы (жұмыс ауысымы) арасындағы күнделікті (ауысымаралық) тынығуының ұзақтығы он екі сағаттан кем болмауға тиіс.

Демек, жоғарыда аталған заң нормаларына сәйкес бір тәулк ішінде кемінде 2  ауысым  орнатылуы  керек және олардың әрқайсысмының ұзақтығы 12 сағаттан аспауға тиіс. 

Осы орайда,  ұзақтығы 24  сағаттық ауысымның  орнатылуы  Кодекстің жоғарыда аталған нормаларына қайшы келіп, жұмысшылардың еңбек құқығын  бұзады.

Демек, Сіздерге  бір ауысымды 12 сағаттан аспайтындай етіп белгілеу керек.

 

Орынд. Ш. Молдабекова, БӘҚК бас сарапшы

 

Сұрақтың нөмірі: 308869
20 маусым, 2014 - 17:06 өзгертілді

                                                               Еңбек және халықты әлеуметтік қорғау

                                                               министрі  Т. Дуйсеноваға

                                                               ШҚО, Үржар ауданы, Үржар ауылы,

                                                               Фурманов көшесі, 15 үй тұрғыны

Жауап: 

Сәлеметсіз бе, Ауталипова Орынбасар!

Зейнетақы төлемдерін тағайындаудың және арттырудың негізгі өлшемдері болып азаматтар зейнетақыны тағайындау кезінде ұсынатын еңбек стажы мен орташа айлық табыстың мөлшері болып табылады.

Зейнетақы іс-құжаттарыңыз бойынша зейнетақы төлемінің тағайындалуы мен төленуінің дұрыстығына тексеру жүргізілді.

Бұған дейінгі қолданыста болған зейнетақы туралы заңның талаптарына сәйкес Сізге  жасыңызға байланысты зейнетақы 1991 жылдың қыркүйек айында  56 жыл 7 ай еңбек стажыңызбен (оның ішінде экологиялық стажы) және 1989 жылдың  қазанынан 1991 жылдың қыркүйегін қоса алғандағы мерзімнің яғни  537,7 сом орташа айлық мөлшеріне сәйкес тағайындалған.

Қазақстан Республикасы Үкіметінің қаулыларына сәйкес зейнеткерлік іс-қағазыңыздағы құжаттар негізінде зейнетақы төлеміңіз жыл сайын арттырылып отырған.

Бүгінгі таңда алып отырған зейнетақы төлемдеріңіздің жалпы мөлшері 54 919 теңгені (зейнетақы төлемі – 40 524  теңге, базалық зейнетақы төлемі – 10 450 теңге, арнаулы мемлекеттік жәрдемақы – 3945 теңге) құрайды және олар қолданыстағы заңнамаға сәйкес дұрыс есептеліп, арттырылған.

 

 

 

 

 

 

 

 

 

Орын.  «ЗТМО» РМҚК  маманы С. Дускалиева

 

 

 

 

Саламатсыздар ма?!Сіздерден сұрайын дегенім "9 мамыр жеңіс күніне" орай тыл ардагереріне берілген сыйақы туралы болмақ,Менің әжем тыл ардагері ретінде сол көмекке үміткер болған,алайда бізге жеткен ақпарат бойынша әжем "алтын алқа" иегері ретінде тыл ардагеріне берілетін бір реттік мерекелік сыйақыдан қағылады екен.Және сый ақының көлемі қанша?Осы туралы толық ақпаратты білгім келген.Жауаптарыңызға алдын-ала рахмет!

Жауап: 

 

Қолданыстағы «Қазақстан Республикасындағы жергілікті мемлекеттік органдар туралы» заңнамаға сәйкес облыс, қала және аудан әкімдері, меншік нысанына қарамастан ұйымдардың, қоғамдық бірлестіктердің басшыларына өз құқығы мен құзыры шегінде әлеуметтік қорғауға мұқтаж азаматтарға материалдық қолдау жөнінде қосымша шараларды белгілеу құқығы берілген.

Сондықтан, мереке күніне біржолғы материалдық көмек төлеуді жергілікті атқарушы органдары жүзеге асырады.

Осыған орай, аталған мәселелер бойынша, Сізге тұрғылықты жеріңіздегі Жұмыспен қамту және әлеуметтік бағдарламалар бөліміне хабарласуыңызға болады.

БӘҚК сарапшысы Ж.Сина
 

Сұрақтың нөмірі: 307577
26 мамыр, 2014 - 15:54 өзгертілді

жұбайым биыл елу жасқа келеді екі бала өмірге әкелді,1981 жылдан жұмыс өтілі бар,неше жастан зейнетке шығады?рахмет

Жауап: 

Сәлеметсіз бе! 

 

Бүгінгі күні, зейнетақы төлемдері республикада әйелдерге 58 жаста тағайындалады.

Бұл ретте, 2018 жылғы 1 қаңтардан әйелдер 58,5 жасқа жеткенде зейнетке шығады яғни, зейнетақы жасының ұлғайуы кезең-кезеңмен 10 жыл бойы 6 айдан қоса отырып жүзеге асырылады (негізі: ҚР-ның «Қазақстан Республикасында зейнетақымен қамсыздандыру туралы» Заңының 11- бабы).

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Орын.  «ЗТМО» РМҚК  маманы С. Дускалиева

 

Сұрақтың нөмірі: 307349
21 мамыр, 2014 - 15:36 өзгертілді

Сәлеметсіздер ме?! Мен Құрманғазы ауданында мұғаліммін 2013 жылы төртінші балалы болдым.Сіздерден сұрайын дегенім мен балам 1 жасқа толғанша жұмыс орнымнан 40 пайыз мөлшерінде төлем алуға құқылы болдым ба? Мен сол ақылай көмекті алған жоқпын ,неге? Осы сұрағымның жауабын алғым келеді.

Жауап: 

Сәлеметсізбе!

«Міндетті әлеуметтік сақтандыру туралы» ҚР Заңына (бұдан әрі - Заң) сәйкес ай сайын төленетін бала бiр жасқа толғанға дейiн оның күтiмiне байланысты табысынан айырылған жағдайда төленетiн әлеуметтiк төлемдер (бұдан әрі - ӘТбк) мөлшері Мемлекеттiк әлеуметтiк сақтандыру қорына (бұдан әрі - Қор) жұмыс берушіңіздің ай сайын аударып отырған әлеуметтiк аударымдар (бұдан әрі - ӘА) негізінде айқындалады.

Егер Сіздің жұмыс берушіңіз Қорға ай сайын ӘА аударып отырған болса, онда Сіз ӘТбк төлемдерін тағайындау үшін тұрғылықты жеріңізде Мемлекеттік зейнетақы төлеу орталығының бөлімшесіне қажетті құжаттармен өтініш білдіруге құқығыңыз бар.

ӘТбк мөлшерi ӘА есептеу объектісі ретінде ескерілген табыстың орташа айлық мөлшерін (бұдан әрі - ОАТ) табысты ауыстыру коэффициентiне көбейту арқылы айқындалады.

ӘА есептеу объектісі ретінде ескерілген ОАТ мөлшері ӘТбк құқық басталған айдың алдындағы соңғы 24 ай ішінде ӘА жүргізілген (осы кезеңде әлеуметтік аударымдарда үзілістердің болу-болмауына қарамастан) табыстар сомасын 24-ке бөлу арқылы айқындалады.

Табысты ауыстыру коэффициенті 0,4 болады.

Айта кетенін жағдай Қордан ӘТбк тағайындау баланың туу туралы күәлігінде көрсетілген туған күннен бастап 12 айға дейін, яғни бала бір жасқа толғанға дейін тағайындалады.

 

 

 

 

 

 

 

 

 

 

 

 

орынд: «МӘСҚ» АҚ бас маманы А.Жумажанова 

тел: 96-55-45

Сұрақтың нөмірі: 307227
19 мамыр, 2014 - 16:19 өзгертілді

Саламатсыздар ма! Мен Бейнеу ауданының мектебінде мұғалім болып жасаймын. Қазір декреттік демалыстамын. Мен 2013 жылдың 1 желтоқсанынан бастап декреттік демалысқа қалдым, үшінші балама. Қазір шамамен 14000 тг жасқа дейінгі төлемақы аламын. Жұмыс жасаған кездегі жалақым 50000 тг. Жалақымның 0,4 пайызын алуым керек еді.  Мұндай төлемақыны алу үшін қандай құжат керек, әлде басқа маман иелері мен басқа аудан мұғалімдері ғана ала ма?

Жауап: 

«Балалы отбасыларға берiлетiн мемлекеттiк жәрдемақылар туралы» Қазақстан Республикасының 2005 жылғы 28 маусымдағы N 63 Заңына сәйкес туған, асырап алған, сондай-ақ қорғаншылыққа (қамқоршылыққа) алған балалары бар отбасылардың жәрдемақы алуға құқығы бар:

1) бала туғанда берiлетiн жәрдемақы;

2) бала күтiмiне берілетін жәрдемақы, егер бала бiр жасқа толғанға дейiн оның күтiмiн жүзеге асыратын адам мiндеттi әлеуметтiк сақтандыру жүйесiне қатысушы болып табылмайтын жағдайда бала туғанда берiлетiн жәрдемақы және ай сайынғы бала күтіміне берілетін жәрдемақы – тиiстi жоспарлы кезеңге арналған республикалық бюджет туралы Қазақстан Республикасының заңында белгiленген айлық есептiк көрсеткiш мөлшерiнiң өзгеруi ескерiле отырып төленедi. 

Жоғарыдағы  Заңға сәйкес жәрдемақылар мынадай мөлшерде төленеді:

1) бала туғанда берiлетiн жәрдемақы:

бiрiншi, екiншi, үшiншi балаға – 31,40 айлық есептiк көрсеткiш;

төртiншi және одан кейiнгi балаларға – 52,35 айлық есептiк көрсеткiш;

2) бала күтiмi жөнiндегi жәрдемақы:

бiрiншi балаға - 5,76 айлық есептiк көрсеткiш;

екiншi балаға - 6,81 айлық есептiк көрсеткiш;

үшiншi балаға - 7,85 айлық есептiк көрсеткiш;

төртiншi және одан кейiнгi балаларға - 8,90 айлық есептiк көрсеткiш;

Айлық есептiк көрсеткiш 2014 жылға 1852 теңге мөлшерінде белгіленген.

Егер бала күтiмiн жүзеге асыратын адам мiндеттi әлеуметтiк сақтандыру жүйесiне қатысушы болып табылса, онда «Мiндеттi әлеуметтiк сақтандыру туралы» Қазақстан Республикасының Заңына сәйкес бала бiр жасқа толғанға дейiн оның күтiмiне байланысты табысынан айрылған жағдайда Мемлекеттік әлеуметтік сақтандыру қорынан ай сайынғы әлеуметтік төлем тағайындалады.

Бала бiр жасқа толғанға дейiн оның күтiмiне байланысты табысынан айрылған жағдайда төленетiн ай сайынғы әлеуметтiк төлемдер табыстың орташа айлық мөлшерiн табысты ауыстыру коэффициентiне көбейту жолымен айқындалады.

Әлеуметтiк аударымдарды есептеу объектiсi ретiнде ескерiлген табыстың орташа айлық мөлшерi, егер әлеуметтiк қатер жағдайы басталған ай үшiн Қорға әлеуметтiк аударымдар түскен болса, осы айды қоса алғанда, соңғы жиырма төрт айда әлеуметтiк аударымдар жүргiзiлген табыс сомасын (осы кезеңде әлеуметтiк аударымдарда үзiлiс болуына қарамастан) 24-ке бөлу жолымен айқындалады.

Табысты ауыстыру коэффициентi - 0,4 болады.

Бұл орайда, бала бiр жасқа толғанға дейiн оның күтiмiне байланысты табысынан айрылған жағдайда төленетiн әлеуметтiк төлемнiң ең жоғары мөлшерi тиiстi қаржы жылына арналған республикалық бюджет туралы заңда белгiленетiн ең төмен жалақының он еселенген мөлшерiнiң қырық пайызынан аспауға, ал әлеуметтiк төлемнiң ең төмен мөлшерi бала бiр жасқа толғанға дейiн оның күтiмi жөнiндегi ай сайынғы мемлекеттiк жәрдемақы мөлшерiнен кем болмауға тиiс.

Осыған байланысты, бала бiр жасқа толғанға дейiн оның күтiмiне байланысты табысынан айрылған жағдайда төленетiн ай сайынғы әлеуметтiк төлем және ай сайынғы бала күтіміне берілетін жәрдемақыларды тағайындау және төлеу бір негізде ғана жүргізіледі.

 

 

Орын.: ЗТМО маманы Лукпанов Р.

 

                 

Сұрақтың нөмірі: 307135
15 мамыр, 2014 - 11:18 өзгертілді

Беттер

ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші